BARRUTIA / DISTRITOA

2019 apirila

Barrutiaren batzordea eratu da eta bere funtzionamenduak nolakoa izan behar duen zehaztu du, barne araudi bat onartuz.

Horrez gain, lantaldeak eratu dira:

1.- Diagnostikoa: Plan estrategikoaren barrutiko datuak diskriminatu eta diagnostiko bereizia egin da.

2.- Egituraketa/Aurrekontua: Barrutiaren eratze fasea ebaluatzeko bide bat proposatu du, eta barrutiko aurrekontua kudeatzeaz arduratu da. Araudian eta funtzionamenduan hobekuntzak egiteko ardura du.

3.- Partaidetza/Komunikazioa: Barrutiaren komunikazio plana gainbegiratuko du, eta partaidetzarako bideak eta moldeak proposatzeaz arduratuko da.

4.- Hirigintza, mugikortasuna...: Hainbat arlotan dauden egonezin, proposamen, aukerak etab aztertu eta ordenatzea du helburua.

Lan taldeen lana batzordeari bideratzen zaio, eztabaidatu eta onartu edo ezetsi dadin. Batzordea 15 kidek osatzen dute (PSE / PNV / EHBildu: Manex Ralla, Arritxu Larrañaga / PP / Irabazi – botorik gabe - / Auzo elkarteak: AHM, Herripe, IZBE, Emanhar, Osteguna, Intxaurdi. Auzoa (desegin da).

Aurrekontuari dagokionez, prozesu parte-hartzailearen emaitzak orekatu egin ditu barrutiak lurraldetasun irizpideekin (hiru auzo nagusi: Intxaurrondo, Altza, Bide). Horrez gain, 370.000 euro ditu barrutiak bere aurrekontuan.

Hurrengo legealdirako, aurrekontua kontsolidatzea eta eskumen propioak garatzea dira helburuak. Momentuz Barrutiko Batzordearen jarduna kontsultiboa da erabakitzailea baino gehiago, eta Altzako EH Bilduren ustez, hori aldatu behar da. Barrutiak eskumen propioak behar ditu.

 




2017 martxoa

Donostiako udalak bigarren bilera egin du Altzako eragileekin eta auzo elkarteekin.

Elkarteen ordezkariek Kexa adierazi diote udalari aurreko bileraren aktarik ez pasatzeagatik lehenago, deialdia berandu pasatzeagatik, eta bilerarako puntuak ez proposatzeagatik.

Era berean kexa adierazi diote euskaldunok euskaraz eta gaztelaniaz aritu behar izateagatik, udalak ez baitu hizkuntza kudeaketa egokirik egiteko baliabiderik jarri.

Distritoaren aurrekontua. Donostiako udalak azaldu du orain, aurreko dokumentazioan jasota zegoen arren udalaren aurrekontuaren %10 izango zuela, orain dio barruti bakoitzarentzat %2,5 izango dela. Iruzurra dela adierazi zaio udalari.

Distritoaren erabakitzeko gaitasuna zalantzan jarri du zinegotziak: ”¿qué más queréis que pedir arreglar aceras?” 

Eragileek aldarrikatu dute memoria historikoa errespetatzea eta Altza erkidego gisa lantzea.